Gmail වල important emails හදුනාගන්නේ මෙහෙමයි



  • අද වෙද්දී ලෝකයේ ප්‍රචලිතම email service එක විදිහට අපිට Google සමාගමෙන් අපිට ඉදිරිපත් කරන gmail හදුන්වන්න පුලුවන්. ඉතින් මේ gmail වල ඔයාලා දැකලා ඇති සමහර email වල important කියලා පුංචි mark එකක් වැටිලා තියෙනවා.හැබැයි සමහර ඒවාගේ එහෙම නැති වෙන අවස්ථාත් තියෙනවා.

    මොකක්ද මේකට හේතුව….? සමහර ඒවා mark වෙන්නයි සමහර ඒවා mark නොවෙන්නයි….

    අපි බලමු ඇයි ඒ කියලා….

    Gmail service වලින් ඉතාමත් විශේෂ ආකාරයකට තමා මේ important mails හදුනා ගන්නේ.ඒකට එයාලා භාවිතා කරන්නේ අපි එක එක email වලට දක්වන ප්‍රතිචාර.ඒවා තමා,

    අපි කාටද නිතර නිතර email යවන්නෙ
    අපි මොනවගේ emails ද open කරලා බලන්නේ
    අපි නිතරම කියවන emails වල තියෙන පොදු keywords
    අපි එදිනෙදා කටයුතු වලදී star කරන්නේ, archive කරන්නේ සහ delete කරන්නේ මොන මොන වගේ emails ද කියන එක.
    මේ email එක අපිට විතරක්ම එවපු එකක් නම්.
    අපි කලින් අපිට මේ email address එකෙන් ආපු email එකක් important කියලා mark කරලා තියෙනවානම්
    Email එක තුල මොනවාහරි links අඩංගු වෙලා තියෙනවා නම් ඒවාගැන විස්තර
    ඔන්න ඔය වගේ දත්ත තමා gmail services වලින් අපෙන් එකතු කරගන්නේ, අපිට එන email එකක් අපිට important ද නැද්ද කියන එක තීරණය කරගන්න.

    මේවගේ විශේෂ කාර්යන් කරන්නේ මිනිස්සු නම් නෙමේ. මේ වගේ වැඩ කරන්නම සකසපු කෘතීම බුද්ධි වැඩසටහන් තමා වර්තමානයේ මේ කාර්යයට භාවිත කරන්නේ. මෙන්න මේ කාර්යය කරන විශේෂ ඇල්ගොරිතමයට කියන්නේ Google magic sauce කියලා.

    ඉතින් මේකෙදි ඇත්තටම කරන්නේ අපෙන් එකතු කරන දත්ත මේ කෘතීම බුද්ධි වැඩසටහන් මගින් විශ්ලේෂණයකට ලක් කරනවා.ඊටපස්සේ තමා අපිට එන emails අපිට වැදගත් ද නැද්ද කියලා පෙන්නන්නේ.මේකෙදී සමහර හේතු නිසා කෘතීම බුද්ධි වැඩසටහන් වලට මගහැරෙන අවස්ථාත් තියෙනවා.ඒක වෙන්නේ ඒ වැඩසටහනේ දෝෂයක් නිසා එහෙම නෙමේ.අපිට email එක එවන කෙනා විසින් කරන යම් යම් අතපසු කිරීම් නිසා සහ ඉහත කියපු කරුණු සම්පූර්ණ කරලා නැති නිසා.

    දැන් කෙනෙක්ට හිතෙන්න පුලුවන් gmail services වලින් අපේ දත්ත බලනවා නේද කියලා.

    කෙනෙක්ට එහෙම හිතෙනවා නම් මේ පහසුකම අක්‍රීය කරන්නත් පුලුවන්කම gmail වලින්ම හඳුන්වලා දීලා තියෙනවා.

    ඒකට කරන්න තියෙන්නේ gmail වල settings වලට ගිහිල්ලා ඒකේ Inbox කියන එකට ගිහිල්ලා එහි සඳහන් විදියට පියවර අනුගමණය කරන එක

    මේ ගැන තව කතා කරනවා නම් gmail විසින් අපිට යම් කිසි email එකක් important කියලා mark වෙලා තියෙන්නේ ඇයි කියලත් බලාගන්න පුලුවන්. ඒකට කරන්න තියෙන්නේ importance mark එක උඩට mouse pointer එක ගෙනියන එකයි.

    මේවගේ තවත් විස්තර ඉස්සරහට අරන් එන්නම්. නැවත හමුවෙමු…..!



  • important emails විතරක් තියාගෙන අනෙක් emails සේරම delete කරන විදිහක් තියෙනවා. අපිට අවශ්‍ය කරන සියලුම emails, important ටැග් එකත් එක්ක එනවා අනිත් ඒවා inbox එකේ තියෙනවා. emails ගොඩගැහිලා තියෙන කෙනෙක්ට important ඒව ඇරෙන්න ඉතුරු සේරම mails delete කරන්න ඕනනම් මේ දේවල් කරන්න පුලුවන්.

    • මුලින්ම gmail එකට ගිහින් එකේ search bar එකට යන්න.
    • ඊට පස්සේ search bar එකේ label:unimportant ටයිප් කරලා search කරන්න. මේකෙන් වෙන්නේ සේරම important mails බේරිලා අනික් mails විතරක් select වෙන එක. ඊට පස්සේ ඔයාට බය නැතුව mails delete කරන්න පුලුවන්

Log in to reply